مع الرأفة وحسن الظن ترا ما عاد تعنيني
ولا بافز لك واحن واحاتي هقوتك فيني
خطاك انك ما عاد تشوف ولا عادك هذاك اللي
يسابق هالزمن لجلي يحاول بس يرضيني

كسيتك من سمايا خام ونزلتك مكان نجوم
فرشت الفي قبل الضي وسكنتك وسط عيني
ولكن احمده ربي كشفلي الخافي المستور
يا جاحد هالوفا فيني إلهي بس يكفيني

خذاها فرحتك من جاك وشاله حظك من يديك
رمى به فالثرى وادري تحسبه جا بيلغيني
عساكم ما أنتهيتوا يوم ولا زالت حكايتكم
تراني جد مستمتع بدمعك يوم تبكيني