هزيل الليل والذكرى سبات ونو
تمرجحني من الضفة إلى الضفة
أبيهم والزمن عيا زمان يحلو
لقلبٍ ما لحق معهم على شفه

وحشتوني كأن العمر صار خلو
يباب إحساسي أبوابه بلا دفة
وحشتوني كثر ما بالسهاد غلو
كثر سرب الحنين العابر بخفة

أشوف الناس تشبههم وهم ما جو
عصي الدمع ما يلقى من يكفه
وأنا لا حيلة لضعفي ولا لي قو
ملامحهم وشمها قلبي بكفه

يشب الشعر في ليلة حنينه ضو
يضيق البال ويقول السهر طفه
مشاعرنا على ليت الغياب ولو
وأمانينا مبعثرها على رفه