أنا معلن لك إستسلام قلب كابر بصده
أنا مشتاق من أول ثواني غيبتك عني
توقعت الغياب يتم واني واحد قده
وعجزت اجرا على بعدك وبعدك ماخذ مني

خذا من راحتي راحه وأنا والله من مده
أكابر للرجوع اللي شموخي منه ماخذني
إلين أستسلمت أيامي اللي عاشت بشده
من أشواق عجز طغيانها في البعد يلهمني

أنا مستسلم وراضخ وقلبي مد لك يده
تعال إرجع وأنا في يوم ماقد خاب بك ظني
أنا مشتاق هالمره وشوقي واصل حده
أنا ماني بكفو لبعد فيه الشوق لوعني

وش اللي بس من عمري تبيه ولك أنا امده
ولا أعيش الشعور اللي وصلني وصرت متعني
مادام إن هقوتي في قلبي إنك منت بترده
أنا من دون طاريك ترى ما نيب متهني

تعال ولملم أشواقي وقلب باح لك سده
وهات إحساسك اللي دايما بالحب يوصلني
ولا تأخذ كلامي ضعف ضعف الحب أنا اعده
أبد ما هو ينقص قدر لا والله يرفعني