خليك دور وين اليتعبني
تاهت علي تكرهني مدري تحبني
هوه أني لو عندي قلب مثل الناس
ما عفتك أعلة ذنوبك تحاسبني

قبل جنت ويه النفس من تنقاس
ومحسوب كلشي وكلشي ما حاسبني
شكد كتلك آني إنسان من دم وحساس
مو سلعة من ينزل جديد اتذبني

روح روح إنتا خسران خسران
وأذكرك تجي ندمان ندمان
ساعتها أشوفك وجه ثاني وغير إنسان

أنا اليسولفلك همومه من بعيد
وعايش وما يدري بمحبتك شيريد
تغيرت من يوم الرحت ما مرتاح
يومية ينقص وزني بس حبّي يزيد

أنا الجنت تتحكم بنفسيته
ودموع عينك تستغل حنيته
سولفلي موقف قيس بالحب سواه
ويه ليلى وأنا ويّاك ما سويته

يوم يوم يعدي ونساك ونساك
ولتصدك يموتني فركاك فركاك
ودعيلك السويته بيه يصير ويّاك