على الله يالبعيد اللي مشى هالقلب مشواره
على الله نلتقي يمكن تحن وتذكر عيونك
أنا لولا الوفا ما جيت درب الشوق واقداره
وتركت اللي يبي قربي عشان أكون مسجونك

وإذا قصدك تخيرني بعادك كيف أبختاره
وأنا حتى زوايا البيت تسأل عنك وشلونك
تصور كل ما صديت أحس الخطوة محتارة
يناديني الفراق وليه توقف خطوتي دونك

يمر الليل في بعدك ويسأل وش هي أخباره
وأقول بخير مازلنا حبايب وأنكر طعونك
عسى نور الفجر يطوي ظلام الليل وأسراره
وأشوفك في المدى تضوي حياة وعمر مظنونك

كثر ما زاد هجرانك يزيد العاشق أعذاره
أحس إنك تبي ترجع ولكن ظرفك يخونك
تعال القلب من بعدك ليالي ما حد زاره
أنا من وين أبلقاها دخيل الله على هونك