انتظارك صعب وأشواقي تزيد
والوله ما له حدود ولا نهايا
كل يوم أحس بي جرحٍ جديد
كل ما ناظرت نفسي في المرايا

كل ما أذكر إني عن عينك بعيد
يا تغيب الشمس أو تظلم سمايا
ابتدت ذكراك موضوع جديد
وقلبت كل المواجع في حشايا

ليت شمسك ذوبت ذاك الجليد
وأشرقت في المظلمات من الزوايا
جبت لك راسي وأنا راسي عنيد
ليه أحس إني معك منت معايا

ليه أسأل وإنت قلبك من حديد
إنت سامع شيء ومصدق وشايا
يا حبيبي قلي العلم الأكيد
والأكيد إني معك لين النهايا