خواطر دفتر وممحاه أدون ما مضى وأمحي
على رف المشاعر ما بقت لي غير أقلامي
أرتب بعض أفكاري ما بين أحزاني وفرحي
وتترامى بعض ذكراك ولا أدري ليه قدامي

مع إني ما أفكر فيك ألاقي أسمك بطرحي
سكنت أبياتي ما كفاك تربع عرش أحلامي
أنا وش في يدي قلي سوى يا مفارقي جرحي
وكن حبك زرعه الله حبيبي داخل عظامي

تضيق أحوالي لك ألجأ ألاقي بقبلتك شرحي
تجبر هالزمن وأحرم عيوني تكون قدامي
عسى ما ينتهي عمري وأنا متوسد جرحي
يحاصرني ألم ذكرى سكنها حزن مترامي

ربحت أو بالأصح حسيت ربحتك وإنتهى ربحي
قبل لا أرتوي وصلك رجعت اللاهث الظامي
أنا وش في يدي قلي سوى يا مفارقي جرحي
وكن حبك زرعه الله حبيبي داخل عظامي