فدوة عيونك لو غدت روح مغليك
وش عاد لو راحت لعينك عشاير
أبيع ما يغلى على الكون وأشريك
وأسوق لي جتني علومك بشاير

وأزعل جميع الناس بالحيل وأرضيك
وأصبر ولو دارت علي الدواير

وآخذ من أيامي لك أيام وأعطيك
وإن راح عمري لك فلا هو خساير
أحب أنا شوفك وصوتك وطاريك
دايم وفكري فيك هايم وحاير

وأزعل جميع الناس بالحيل وأرضيك
وأصبر ولو دارت علي الدواير

بالصمت أهوجس بك وبالصوت أناديك
والله عليم بالبينه والسراير
أنا وقلبي والهوى بين أياديك
عندك مفاتيح الهنا للضماير

وأزعل جميع الناس بالحيل وأرضيك
وأصبر ولو دارت علي الدواير