لي مرت الأيام وتزايد الخوف
شب الجمر زاد اللظى في خفوقي
بالله يا وقت العنا عجل وطوف
متر المولع بالوله ما يشوفي

خذني تمهل يا زمن بيه وروف
أنا دخيل الله تجبر ظروفي
أبغي أخفف عبرةً داخل الجوف
لا جيت بحكي ما تساعف حروفي

تاهت بي الخطوات وأعذار الظروف
ضاعت على جسر الرجاوي هتوفي
حاولت أخفي دمعتي صرت مكشوف
خانت بيه دقات قلبي الرجوفي

توعدنيه وتقول أصبر وبتشوف
سامح حبيبك دام قلبك عطوفي
بسألك إذا ما فيه إحراج وكلوف
وين الذي عقب الصبر لي بيوفي

لا باس يا من صار لي قاسي وعوف
الشمس تشرق بعد ظلم الكسوفي
ما دام غير الله والباقي ضيوف
وأنا لغير الله ما أرفع كفوفي