أنا المقصود
في كل اللي لكم قاله
وأنا اللي بس في باله
ولا يقصد أحد غيري
ولا يطري
ولا يبين لكم
لكن أنا أدري
يموت إن كنت مو موجود
أنا المقصود

يسوي روحه ما همه وأنا همه
وحتى النقص من عندي يشوفه زود
يحاتيني ويغار ويحترق دمه
إذا خليت بيني وبين عينه حدود

يطالعني
يقصدني ويكلمكم
ولاهي عن سوالفكم
يحاول يخفي إحساسه
ولا يقدر
عيونه تفضحه
وقدامي يتعثر
وبيني وبينه إنتوا شهود
أنا المقصود

يسوي روحه ما همه وأنا همه
وحتى النقص من عندي يشوفه زود
يحاتيني ويغار ويحترق دمه
إذا خليت بيني وبين عينه حدود