ليه أعشقه واشتاق له
واخلي قلبي يحن له
وأنا أدري أنه مو إلي
وإني كذلك مو إله

ليه أحصره في داخلي
وبقلبي حبّه يمتلي
وأعيش في قصة غرام
فيها النهاية فاشله

روحي معاه مابي سواه
كنه مكلبشني بقيود
أجري وراه وأدري هواه
في واقعي ماله وجود

ليه أحتواه قلبي وعطاه
كل المحبّة و الورود
يمكن عشان صار الحياة
أو صار سري في الوجود

ليه اعشقه و أدلله
وأخلي حرفي يغازله
وأضيع أيامي عشان
غيري يجي و يكون له

ليه أرتضي بهم السنين
وأصير من أجله حزين
ويبيع حبّي والحنين
ويحط غيري داخله

قلبي يبيه قلبي يبيه
ويحبه حب بلا حدود
جنني يا عالم عليه
رغم المساعي والجهود

مليت أنا وأنا ارتجيه
يا قلب له لا لا تعود
قلي أنا ب أموت فيه
حبّي لها الدنيا وزود