ليش إنت مبعد عن عيوني ومجفني
يا نور عينٍ بشوفك كنت أحليها
حتى إتصالك وصوتك منقطع عني
وأعد الأيام لي بتعود لي فيها

إن كنت زعلان يا كل الغلا مني
مجبور أراضيك وعيونك أراضيها
وإن كان قصدك بها الفرقا تعذبني
يا كيف تتعب حياتي وإنت غاليها

أرجوك طمن شقى نفسي وطمني
أشغلت روحٍ غيابك عنها يشقيها
تعبت أحاتي واسأل عنك لكني
ملقى جوابٍ لأجل نفسي أهديها

أطلب من الله عسى إنك دوم متهني
في دارك اللي إلهي بك مهنيها
وعساك دايم في قلبي تحسن الظني
يا شمس داري وبدرٍ في لياليها