يا واد يا تقيل
يا مشيبني
ياه ده أنا بالي طويل وإنته
إنته عاجبني
بس يا إبني بلاش تتعبني
عشان عمرك ما هتغلبني

قلبي يقول ياني
وده قلبه ولا يعاني
عنده برود أعصاب إسم الله
ولا جراح بريطاني

ويبص إزاي كده أهو
ويمشي إزاي كده أهو
والضحكة إزاي كده أهو
ويقف ويقول أنا أهو
تمثال رمسيس التاني
يا واد يا تقيل

يا واد يا تقيل
يا مشيبها
ياه دي بالها طويل وإنته
وإنته عاجبها
يا واد يا تقيل

أكلمه بحرارة يرد بالقطارة
الرجل الغامض بسلامته
متخفي بنظارة

ويحي إزاي كده أهو
وينادي إزاي كده أهو
ويعادي إزاي كده أهو
ويقف ويقول أنا أهو
أطول واحد في الحارة

يا واد يا تقيل
يا مشيبها
ياه دي بالها طويل وإنته
وإنته عاجبها
بس يا إبني بلاش تتعبني
عشان عمرك ما هتغلبني
يا واد يا تقيل