يا سلام يا سلام
قد إيه حلو الغرام

بالعين ولا الإيدين
بدينا بالسلام
موش فاكرة يومها مين
إللي إبتدا بالكلام
لكن فاكرة عينيا
لما جريت عليك
ولقيت قلبي في ثواني
مليان منك غرام

يا سلام يا سلام
قد إيه حلو الغرام

أنا شفتك قلبي سلم
مقدرتش غير أسلم
ضميت قلبك في حضني
وعينيك قلتلي خدني
موش عارفة إيه حصلي
وخلاني أسهر ما أنام

يا سلام يا سلام
قد إيه حلو الغرام

ولقيتني بقول لروحي
إستني بلاش تروحي
ضحكتلي الدنيا تاني
وهواك بالشوق ملاني
موش قادرة أستنى تيجي
ده أنا جايالك قوام

يا سلام يا سلام
قد إيه حلو الغرام