ومستغرب طبيعي اللي حصل ما بينك وبيني
أنا رغم الحنان اللي سكني ما قدرت إلين

أحن شلون وإنت اللي على القسوة مربيني
عجزت أتغاضى عن كرهي لكل لحظاتنا الحلوين

وعزه أصدق دموعي وطهري وبيض كفيني
لا أرد الباب في وجهك وأشيل عيوني الثنتين

ولا أشوفك ولا أسمعك وأغيرها عناويني
حرام أكسر أشموخي وهو مو جرح ولا إثنين

نفيتك لآخر حدود الجفا وعنك الله يغنيني
عن أشباه الأحبه اللي أجادوا لعبة الطيبين

عسى الله ياخذك من دنيتي تحرم على عيني
حشى ماني بمتحسف بدال آمين ألف آمين

وفيتك لين ما كفيت وذنبي تلقفه إيديني
تواضع مني أتكلم مع مثلك إلين الحين

مقفي عنك يا هذا ولا إنت إنسان يعنيني
رحمك الله ويغفر لك تراك فحسبة الميتين