أنا شايفاك أب لإبني
وحد بيبني معايا حياة
وأنا شايفاك ببقى في حلم
ونفسي العمر يطول جواه

لما بتفرح ليا وبيا
وأما تغير يا حبيبي عليا
وأما بقولك همشي تقولي إستني شوية
بعرف إني إخترتك صح بكل ما فيا

تاعب نفسك ومريحني
وأما أغلط على طول مسامحني
وأما تسيب الدنيا بحالها وتهرب ليا
بنسى العالم وأبقى في حضنك مستغنية

لو مشغول لو حسيت
إن أنا تعبانة بتيجي قوام
إبن أصول ومهنيني
وحضن حاميني من الأيام

كلك خير هيبة وطيبة
وحب مشفتش زيه في ناس
إنت أمير بس معايا
بحسك واحد من الحراس

أنا شايفاك أب لإبني
وحد بيبني معايا حياة
وأنا شايفاك ببقى في حلم
ونفسي العمر يطول جواه