ما عرفت أنطق وأنا اللي من سادات الحكي
والكلام اللي في قلبي في بحر صدري غرق
ودي أحكي لو ثواني ودي همي يرتكي
كل ما جيت أتكلم كل حرف بي شرق

ماني بالعادة أبين دمعتي ولا أشتكي
الله أقوى يا زماني ذاب عمري واحترق
ما هو من طبعي أساساً لا عتاب ولا بكي
حتى لو قلبي عصاني يا حبيبي وانسرق

ماني اللي لو تهاوت رحت أغير مسلكي
وأعرف إن الله خلق وأعرف إن الله فرق
بس حبك ما قويته ومات بأسبابه حكي
وطاح قلبي من مكانه يا حبيبي وصرت أرق