دخيل الله لا تسأل
عيوني ليش سهرانه
عيون العشق لو نامت
عيون الشوق مفتوحه
أداري ما خفى قلبي
وروح الروح ولهانه
ولا أقدر أداري لهفتي
والعين مفضوحه

لقلبي سر وعيوني
تبوح بكل وجدانه
وتفضح لك فرح نبضه
مثل ما تفضح جروحه
أحبك يا ضيا عمري
وأزهاره وألوانه
رسمتك عشق لا يوصف
وصرت لعالمي لوحه

أحبك كثر ما جاد
السحاب و هل هتانه
وأحبك كثر ما باح
الشعر وأستعذبك بوحه
يا اوفى الناس واغلى
ما وهبني الرب سبحانه
دعيت الله وأبواب
السماء بالخير مفتوحه

يا قلب الخود وإحساسه
يا حب أحيا على شانه
يا نبض الحب وشعوره
ويا قلبه ويا روحه
عيونك وجهتي والقلب
يلقى فيك عنوانه
ولك في خافقي قصر
الغرام إمعلي صروحه