النفسية مش اللي هي
الله يعيني على اللي فيا
أنا مش مصدق إن أنا عايش
ولسه فيه في عمري بقية

أنا ضايع من نفسي وروحي
ومافيش حواليا إلا جروحي
وأدي ناس عمالة تدوس قلبي
وأدي ناس عمالة تدوس روحي

مخنوق من الدنيا وعمايلها
بتعذب وأتهان وأحايلها
وأتمرمغ بالحزن وساكت
تحلو بتجري توحلها
إيه دار بين أيامها وبيني
بتموت فيا قصاد عيني
بتقوي اللي ظلمني عليا
ولا سابت حد يقويني
النفسية

النفسية مش اللي هي
الله يعيني على اللي فيا
أنا مش مصدق إن أنا عايش
ولسه فيه في عمري بقية

مش زعلان
مش زعلان من جرح وقسوة
ولا زعلان على ناس خدعوني
أنا زعلان على روحي الحلوة
وضحكتي دي اللي في لحظة سابوني

وبقيت حد لا لون ولا طعم
منحوت فوق على وشه الهم
كاره كل العيشة وناسها
بعد ما داق جبروت الظلم

من دلوقتي أنا هقفل بابي
وأرجع أعيد من تاني حسابي
وأعود كده مع نفسي وأفرق
مين اللي ظلمني ومين أحبابي

مخنوق من الدنيا وعمايلها
بتعذب وأتهان وأحايلها
وأتمرمغ بالحزن وساكت
تحلو بتجري توحلها
إيه دار بين أيامها وبيني
بتموت فيا قصاد عيني
بتقوي اللي ظلمني عليا
ولا سابت حد يقويني
النفسية

النفسية مش اللي هي
الله يعيني على اللي فيا
أنا مش مصدق إن أنا عايش
ولسه فيه في عمري بقية