إطمن
ياللي بعيد أوي عن عيني
عمر البعد ما قساني
عمر الوقت ما نساني
ميت عايزك تحييني

دنا طول الليل سهران
مع روحي بكلم صورتك
وأما بروح أي مكان
تلاقيني لسة في سيرتك

شايف في بعادك ويلي
وبحاول أقف على حيلي
سبحانه اللي مقويني

يا بشر على هيئة حب
مالحقتش بيه اتهنى
زي المطرود مالجنة
وأنا مستنيك تلاقيني

لا الأيام عايزة تعدي
ولا نار الشوق بتهدي
مين حبك في الكون قدي
والله يا حبيبي مفيش

ولا نافع فيك نسيان
ولا أي هروب لمكان
واضح إن أنا إنسان
مخلوق علشان بيك أعيش

إحساسي معاك خلاني
بعيش في حياتي عشانك
لا هحب بعدك تاني
ولا يملى حد مكانك

في حاجات لو أحكيها
عن قلبي عايش فيها
دي حكاية صعب أنهيها

لا الأيام عايزة تعدي
ولا نار الشوق بتهدي
مين حبك في الكون قدي
والله يا حبيبي مفيش

ولا نافع فيك نسيان
ولا أي هروب لمكان
واضح إن أنا إنسان
مخلوق علشان بيك أعيش