إن عنيت اليوم باكر ما عنيت
الهوى ما عادني ونفسي جزعت
الهوى ذقته بوقته وأكتفيت
ما بقى من الحال له روحي رعت

كان مني يا غريبة لك حكيت
الحروف لبعضها جملة تبعت
القصد لا شي ولا لحاجة سعيت
الظروف اللي على الصدفة سعت

الحقيقة إني بوقتي سليت
الدقايق وقتها لي طاوعت
أبتديت بطيب وبنهي ما خطيت
حلوه الذكرى إلى منها طبعت

يا غريبة كان أنا منك خذيت
العطايا حبالها منك قطعت
أشتري من يشتريني وإن عطيت
أعطي عيوني بنظره ما خدعت