قال النوى قطع الوصل بين الأحباب
لا طال صار بسيرة الوصل خله
قلت العفو قلب من الحب منصاب
ما ينكر أحبابه على البعد لله

الحب يا سيد المزايين غلاب
لك في خيالي هاجس ما يعله
أضم طيفك ضم من بين الأهداب
وأقول له سلم عليه بمحله

خل خذاني لا تدرى ولا هاب
سلمت له روحي وأنا راضي له
جيشه عيون وخد ورموشه حراب
سيف الهوى من رمش عينه يسله

لا يحسب إني بارخصه عقب ما غاب
طال المدى وإلا قصر وافي له
العاشق اللي تخلفه بعض الأسباب
قله بري من كلمة الحب قله