كان من بد البشر للعين قره
شوفته ياما أتشفقها شفاقه
ومن غيابه تشتعل بالجوف حره
أنكوي من نار قلبي وإحتراقه

والتمس عذر الجفا سبعين مرة
هذا من باب المودة والرفاقه
واتساءل من على الفرقا يجره
كنّ ما بيني ولا بينه صداقه

الغياب اللي أخذ خيره وشره
بسبته أطلقت من روحي وثاقه
ومن يصد أصد عنه ما أمره
من يبي فرقاي يسعدني فراقه

بيني وبينه غلا لله دره
من أخذ قلبه وأنا وسطه وباقه
ولا أحب أبحث وراه ولا أتشره
ما يدب الشك في أطيب علاقه