حلي محلي لو جرحتك وقفيت
ما أظن يصفح خافقك عن خطايه
حلي محلي لو سفهتك وصديت
ما فاتك إنك تسرعي في قضايه

حلي محلي لو تجاوزت وخطيت
بشوف شرك في عيونك بدايه
ما يتفق حيٍ على الأرض مع ميت
في عيني إنتي ميته يا نهايه

يا ليتني في عشرتك ما تماديت
ولا أعطيتك فوق حجمك غلايه
تدرين ياما في وصالك تمنيت
واليوم أنا كلي غنى عن هوايه

أنا من إحساسي تجاهك تبريت
تركتك إنتي مع همومك ورايه
وش هالجراءة إنتهكتي حرم بيت
ملصق على بعض المعالم دعايه