عليك حلاوة ملغبطاني
وكل ثانية تحلو تاني
حبيبي جنبي شكراً يا دنيا
يا راضية عني ومظبطاني

يا نهار أبيض ع التوليفة
ضحكتك ع القلب خفيفة
إنت ماشي إزّاي كده عادي
ده الأصول تمشي بتشريفة
يا نهار أبيض ع التوليفة
ضحكتك ع القلب خفيفة
إنت ماشي إزّاي كده عادي
ده الأصول تمشي بتشريفة

جمالك والله عاملي قلق
مخلي الكل مركز فيك
وأنا اللي بموت من الغيرة عليك
كفاية حلاوة وع الهادي
يا إما هجيلك وأخبيك
ده سحرك غير الكل فرق
كفاية يا ناس بطلوا تقليد
ده سابق أوي عنكوا وبعيد
ما كفاية حلاوة وع الهادي
دي نار الناس عمالة تزيد

يا نهار أبيض ع التوليفة
ضحكتك ع القلب خفيفة
إنت ماشي إزّاي كده عادي
ده الأصول تمشي بتشريفة