بيجيني يوم وبا غادر وأطوي صفحتي ويّاك
وإذا ظنك ماني قادر تراه بأمري و شوري
عطيتك حب وكل ظني ترد الحب لي بيمناك
ولكن عيشها وجرب بعض صداتي وجوري

حليم وأغفر الزلة وأتغاضى وأجي لرضاك
عسى تذكر تفاصيلي تعيش إحساسي ودوري

تكبر كل زلاتي توصل غيظك لأقصاك
تدور أي عذر يمنع وجودي معك و حضوري
أنا ماني مثل غيري ولا مثلي أظنه جاك
أنا عندي يكون الحب فعل و إثباته شعوري

حليم وأغفر الزلة وأتغاضى وأجي لرضاك
عسى تذكر تفاصيلي تعيش إحساسي ودوري

بيجي لك يوم وتتندم تقول أرجوك أنا أبغاك
وأقولك تجربة و عدت شريت بحزنك سروري
ومثل ما كنت تتركني وأنادي لك وأترجاك
تفضل ناظر بوجهي وشوف القسوة وقصوري

حليم وأغفر الزلة وأتغاضى وأجي لرضاك
عسى تذكر تفاصيلي تعيش إحساسي ودوري