إنت الوحيد اللي النظرة منه
ليّا تساوي عمر
والوحيد اللي يأمر في قلبي أمر
والوحيد اللي باجي لحد عنده
وبسلم ليه
من حبي فيك نفسي أقولك كلمة
أكبر من بحبك
نفسي أعيشلك عمري كله وأنا جنبك
نفسي تشوف إبتسامتي
لمّا تيجي السيرة عليك

حبك لو غلطة والزمان رجع بيا
أنا تاني هغلطها وهحبك أكتر كمان
وكفاية خوفك عليّا
والأمان اللي بحسه وإنت قدام عينيا
يا ريتني أحبك من زمان

طب إسمع دي
متعتي وأنا باخد بالي حبيبي منك
وأنا بسمع كل خير حبيبي عنك
مش بشوف في الدنيا عمري حد غيرك
كل حاجة فيّا ليك
وإسمع دي
لسّه جوة قلبي شيء محيرني
مهما عدى وقت عينيك بتوترني
لسّه كل مرة أشوفك بحس إني
أول مرة أشوف عينيك

حبك لو غلطة والزمان رجع بيا
أنا تاني هغلطها وهحبك أكتر كمان
وكفاية خوفك عليّا
والأمان اللي بحسه وإنت قدام عينيا
يا ريتني أحبك من زمان