أبد ما يشبهك غيرك
أساساً إيش جاب لجاب
تطمن وارقد وآمن وبالك ريحه تكفى
وإذا تسأل وش المعنى
وش الفكرة وش الأسباب
ترى بين الثرى وبين الثريا فرق ما يخفى

أبد منت بغلا عابر ولا نزوه ولا إعجاب
وطن فعلاً أحس إنك وغيرك بالفعل منفى
تعال ولاحظ وناظر هماليل الغلا تنساب
على قلبٍ يشوف الويل إلا من قلت له بجفى

يا قبلة أصدق إحساسي يا أول وآخر الأحباب
يا متفرد ويا فارق ويا الأصدق ويا الأوفى
على عرش الغلا تسكن وتسكن راحه الأهداب
طلبتك أرقد وآمن وبالك ريحه تكفى