قالوا رجع من غيبته قلت وش فيه
مشتاق ولّا إنه مفارق حبيبه
خلاص ما عاد السهر والمشاريه
تجيب راسي كل ما بان عيبه

اللي رخص بي يوم أنا كنت شاريه
عقبه ولا أحس المفارق مصيبه
خلوه يبعد والليالي تربيه
خلوه يذكر قبل جرحه طبيبه

مدام راسي حل لا حل طاريه
أبذكره كن المسافة قريبه
وأبتركه تذكار في القلب ناسيه
مهمل مع باقي الجروح العطيبه

اللي تركني بعز ضيقي وأنا أبيه
عندي حضوره صار كنه مغيبه
اللي مشى بكيفه وكيفه يوديه
خله على كيفه وكيفه يجبه