أي تبيني تاكل بعقلي حلاوة
لو تبيني صدق ما طلعت عيني
لو تبيني صدق بطل هالقساوه
هذا لو فعلاً على قولك تبيني

ذاك الأول كل تفاصيلي فهاوه
بعد أحبك بعد صدق تموت فيني
مو صحيح إحساس الأحباب يتساوى
ليت تأخذ من وفاي ومن حنيني

الشعور لو أنجرح دارى وتاوه
لا تضيع لفظ الأحلام وسنيني
ما تذكرت بيني وبينك عداوه
إنت ذكرني إذا بينك وبيني

بالهداوه بس علينا بالهداوه
يا تجيني صدق ولا لا تجيني
الهوى وطيشه وجنونه وشقاوه
ما هو لحظة عابره ما تحتويني