من غاب لاقي له بدل هذا هو العذر
وبخير مو بشر
الذنب من قلبه وأبد لا ذنب لظروفه
في هالزمن كل من بغى يوصل لنا وصل
تتعدد السبل
والناس تدري في بعضها والدنيا مكشوفة

قولوا له إنه إن راح عني غيره بيجي
ماني بميت شوق له ولاني له مرتجي
ما أحسني فقدت شي
معاه ودونه باقي حي
نفسي عزيزة دوم وما غيرت منهجي
دامي وفيت وطيبتي ردت علي جفا
الله يبيض وجهي ومابي أقول أفا
دام بفراقي راحته
ما عاد قلبي بحاجته
إلى متى بتبع سراب إن جيته إختفى

دام العيب ماهو مني ولا هو فيني
خله يغيب ولا تشوفه بعد عيني
والأسباب معرفتها مو مهمة
خلص غاب والله بغيابي يسلمه

من غاب عني بلا سبب لا يمكن أتبعه
يلقى اللي مثله بالهوى والأرض تاسعه
ما دام قلبه مو علي
يعني فراقه خير لي
أشكر جميع ظروفه اللي عني تمنعه
من حبني بيحبني لو ذاق مني مر
ومن عافني بيعوفني لو جبت له القمر
اللي يبيني بجانبي
ومن ما يبيني لا يبي
أنا اللي عن زود الغلا وعن حبّي أعتذر

دام العيب ماهو مني ولا هو فيني
خله يغيب ولا تشوفه بعد عيني
والأسباب معرفتها مو مهمة
خلص غاب والله بغيابي يسلمه

من غاب لاقي له بدل هذا هو العذر
لا ذنب لظروفه