في عيونك لغز وأسرار
في عيونك رحلة ومشوار
قلبي ده شاعر كلمات
عنده مشاعر همسات
شعر قصايد أبيات
جوة عيونك
أنا ممكن أضيع عمري
وأضيع روحي
وأضيع في عيونك
في عيونك حسّيت بأمان
في عيونك قلبي أنا غرقان
على كيفك وديني
على كيفك وناديني
وإرميني وخليني
في عيونك
لو حد عايزني
في حاجة بجد
يحلفني بعيونك

تعالى أتصالح على نفسي وأنا ويّاك
وأعيش جوة سلام إيدك وأموت وأنا بهواك
والحياة في هواك تبقى حياة

في عيونك الشرق وليله وسحره
في عيونك الغرب نسيمه وبحره
بتغرب في بلاد
وأجمع كل ورود بغداد
علشان عندي الليلة معاد
جوة عيونك
تيجي نسمة من بيروت
على خدي تفوت
توحشني عيونك
في عيونك وطني وبلادي
في عيونك أرضي وميلادي
وحياتك دفيني
وفي ذاتك خبيني
من العالم وإحميني
في عيونك
وعلى ورقة ياسمين
أكتب أسامينا
حروفها بلونك

تعالى أتصالح على نفسي وأنا ويّاك
وأعيش جوة سلام إيدك وأموت وأنا بهواك
تعالى أتصالح على نفسي وأنا ويّاك
وأعيش جوة سلام إيدك وأموت وأنا بهواك
والحياة في هواك تبقى حياة
في عيونك