مش عارفة ليه
أنا بعمل ليه جامدة أوي
وقوية عليه
مع إني لما بشوفه
ببقى نفسي أضمه
وأبوس إيديه

بيبقى في قلبي شوق الدنيا
وأجي قصاده أداري وأخبي
ليه وإزاي
مع إن ما فيش في الدنيا
أحن عليه من قلبي

بداري ليه حنيتي
والقسوة تغلب رقتي
وأرفض له أي كلام يقوله
عشان أبين قوتي

بحس لو عرف الحقيقة
حناني يغره أو يضعفني
كإني لو حسسته في حب
هيقوى عليا ويعذبني

بتعبه على قد ما أقدر
وغصب عنه بيتحملني
بعمل قال مش فارق عندي
مع إني ممكن أموت لو سابني

بداري ليه حنيتي
والقسوة تغلب رقتي
وأرفض له أي كلام يقوله
عشان أبين قوتي