حابب لطشة جنانك
قاري في عينيك حنانك
كيميتنا لا هتكون تمام
صدفة والصدفة تشكر
لكن طمعان في أكتر
عايزك بقى في كل الأيام

نظرات في سر وراها
إشارات لازم نقراها
إديني فرصتي
ألقى فرحتي
وفرحتك تلقاها

تاهت ولقيتها عندك
سيبها سيب روحي عندك
وإفتح بيبانك للي جاي
معجب وإنت إللي عاجب
مغرم ده أقل واجب
فكرك قصادك هبقى إزاي
حالي آدي إنت شايف
رحب وإكرم وضايف
وإحكم بقلبك وبعينيك
تقلق إبعد وطنش
لكن لأ لأ ما ظنش
بكرة تتبت فيا بإيديك

نظرات في سر وراها
إشارات لازم نقراها
إديني فرصتي
ألقى فرحتي
وفرحتك تلقاها