حبيب العين مشتاقه أنا عيوني
لي كم يوم ما شفتك عسى ما شر
انام أحيان و أحلامي يصحوني
يفز النوم يسألني عسى بس مر

تمر أيام عن أخبارك يعلموني
ولا مشتاق ولا مهموم ولا اتأثر
حبيب العين خاب الوعد وظنوني
عسى مرتاح ولا تفكر ولا تسهر

تروح أشواقك لغيري ولا يجوني
وأنا قلبي عطى خيره ولا قد ضر
تسافر عيني لعيونك ويخلوني
أغمض جفني وأستنى وتتأخر

حبيب العين كل الناس يلوموني
يجي طاريك وعلي هالناس اتأشر
أبيك إنت وأيامي تراضوني
تجي هالحين تتأسف وتتعذر