وين إنت رايح يا خفوقي على وين
مالك ومال الحب والشوق والهم
اللي يعاف الحب ويحب هالحين
مثل الذي غسل من الدم بالدم

طعني أنا أبخص بالهوى وأعرفه زين
حاليه يا مره ومره ترى سم
مال الوله عقلٍ ولا للغلا عين
صاحي ولكن في الحقيقة توهم

ما كل من تهواه في عينه يبين
يا قل ما تعطيه لو جايله جم
ما فيه عدلٍ بين عشق المحبين
ناسٍ شحيحة حب وناسٍ كما اليم

جروح المحبة تبطي سنين وسنين
شفها على رسم الملامح تزاحم
حدك هنا رايح يا قلبي على وين
هذا طريق الحب والشوق والهم