قالوا تحبه قلت لا ميتٍ فيه
كلمة أحبه يا ملا ما تساويه
أحبه أكثر من حدود المحبة
لو ينشرى بالروح والدم بشريه

ما يعرفون ولا دروا عن غلاته
اللي أحبه كثر حبه لذاته
أعشق كلامه وإبتسامه شفاته
وأموت فيه وفي تعلي معانيه

لا تقولوا إني بس هايم وهاوي
مجروح مالي غير شوفه مداوي
والبعد عنه يا ملا حيل كاوي
لا تحرموه يا ناس غالي وغالي

في ذمتي أهواه لله دره
حبه تعدى من حدود المجرة
قصة هيامي والغلا مستمرة
ما دام أنا أحبه وأعشق مباديه

أتخيله كل ما تهب النسايم
يطري علي إن كنت صاحي ونايم
اللي غلاته في خفوقي علايم
ودي أعيش العمر كله حواليه

يا طير تكفى روح بلغ سلامي
للي فراقه يوم عني تعاني
قله ترا بعده يكسر عظامي
واللي يحبك لا تفكر تخليه دايم