تخيرتك محبة ما تخيرتك ألم وأوجاع
أنا محتاج لك توقف معي وتقدر أوضاعي
إذا قلبي قنع عقلي لأجل يكسب غلاك وطاع
ترى لي نفس ما تقبل ورا الإحساس تنصاعي

أنا جيتك وفا وإخلاص ومشاعر غلا وإقناع
وجودك في حياتي ينحسب من غاية أطماعي
على ما بدا القلوب اللي عاهدها والوفا مضى
غدا حبّك يشكل جزء من منظومة أطباعي

تهب هبوب ذكرى كل ما هب الهوى ذعذاع
مع طيفك وصوتك للصدى في خافي أسماعي
برق لك في ظلام الشوق وغيومه ضياء وشعاع
تباشر به غلاك اللي ظما ما بين الأضلاعي

ملكت من العزوم اللي رقت بهزعة المطلاع
بعد ما صرت في قمة شعوري صعب إرجاعي
عذرتك والظروف تشف لأعذارك لقى ووداع
وأنا أدري بأن عذري والعتب ما عاد له داعي