وين الهوى وداني
أنشد على خلاني
ذايب عليهم قلبي
يبيهم صوبي لهم مشاني
وروحي أنا الولهانة
لأبو عيون فتانة

بين الصبايا زاهي
قاعد معاهم لاهي
شايفني يمه ودي أكلمه
مسوي روحه ساهي
وما يدري عن خلانه
أبو عيون فتانة

كل ما تطلع فيني
تفضحني فرحة عيني
ما أقدر أخبي شوقي
وحبي يجرحني ويداويني
برموشه النعسانة
أبو عيون فتانة

أدري أنا محبوبي
قلبه وروحه صوبي
لكن علامه يكتم غرامه
عني وأنا اللي روحي
عليه شفقانة
أبو عيون فتانة

يا اللي تحب وتداري
توني بحبك داري
ليش التغلي وأنا يا خلي
تاهت معاه أفكاري
وهو الدلع نيشانه
أبو عيون فتانة

حسبالي قلبك جاسي
ومشغول عني وناسي
وأنا اللي لمتك ياما ظلمتك
وإنت يا روحي أقاسي
وإثاري مو بس أنا
أبو عيون فتانة