قالوا عنك الجمال في عينيكِ بات
قالوا إنك أحلى من كل البنات
وإن حبك سكة شايكة
قالوا فيكي من الملايكة
روحت أشوفك وبصراحة
فوقتي كل التوقعات

قالوا عن عينيكِ عنوان الجمال
كل حاجة فيكي أحلى من الخيال
بس في سور بيداريكِ
صعب يوصل حد ليكي
قلت أروح وإن شاء الله أحبك
هو مين من الحب مات

قالوا عنك الجمال في عينيكِ بات
قالوا إنك أحلى من كل البنات

وأما شفتك قلبي ليكي إتشد شد
يا اللي حبك إتفرض على قلبي فرض
لو هقول بدر في تمامه
هظلمك وأرفع مقامه
من ثواني عملتي فيا
اللي عمر ما عمله حد آه

قالوا عنك الجمال في عينيكِ بات
قالوا إنك أحلى من كل البنات