ليش العتاب وإنت الذي دومك معي في خاطري
يا صاحب الليل الذي إذا تحدر تمنعه
في مهجتي من كلمتك أوهام حلم شاعري
ما أقدر على وصفه ولا أقدر بأني أمنعه

غني معي قولي لي عندك صناعة ساحري
وإنته على ما تشتهي قولًا توده تسمعه
قلبي ترى ما يحكمه منظر غزالٍ نافري
لو كان وصله صاحبي من دون ذنبٍ يقطعه

يا هاجري أحلى الصور عندي بقت يا هاجري
يتبعك قلبً صاحبه من حبكم ما هو معه
من هو يساعدني على حظ رديً عاثري
ما هقوتي الله يغير لي فؤادي ضيعه

فيك السحر منك الغلا كله بدا في ناظري
عيت عيوني كلما زوله تبدّى تشبعه
أرعى البروق أشوفها ماضي وطلعة حاضري
براق من صوبك بدا وأنا ونوقي نتبعه