بجامل ناس وبضحك عادي وأتكلم
كإن مفيش في قلبي وجع وبتألم
وبتعامل كإني سليم وعال وتمام
وراضي بجرحي يمكن منه أتعلم

ولو فضفضت يعني الناس هيهتموا
ده كل واحد شايل ومعبي من همه
وجواه جرح يمكن زيي ومخبيه
تشوفه الناس تقول مبسوط ويتخموا

وبتظاهر
ما هو الظاهر مابيبنش إيه جوة
وفي الأيام دي لو شاطر
تخبي الدمعة بالقوة
ده أقرب حد لو شافك
بتبكي هيبكي أضعافك
وهيطبطب على كتافك
وهيقولك مسيرها تروق

أحسن حاجة تتجمل
في سكة كدبتك كمل
وخبي الدمعة وإتحمل
ضعفك ميشوفوش مخلوق

بحاول أبان سعيد دايماً وبتعمد
وبعرف إمتى أخلي مشاعري تتجمد
بمثل طب وإيه يعني أما أكون كداب
عشان ميبنش حزني وقلبي متعود

أهو أحسن ما أشكي وأضعف وأبكي وأتكسر
ومش مستني حد بجرحي يتأثر
سيبوا اللي في قلبي مداري في خروجه عذاب
ساعات الضعف في الأيام دي بيخسر

وبتظاهر
ما هو الظاهر مابيبنش إيه جوة
وفي الأيام دي لو شاطر
تخبي الدمعة بالقوة
ده أقرب حد لو شافك
بتبكي هيبكي أضعافك
وهيطبطب على كتافك
وهيقولك مسيرها تروق

أحسن حاجة تتجمل
في سكة كدبتك كمل
وخبي الدمعة وإتحمل
ضعفك ميشوفوش مخلوق