يسعد صباحك يا حبيبي
حالي طيب

كل شي مثل اللي كان
المدامع
والمواجع
والأمان اللي اختفى لحظة غيابك

والليالي اللي مضت
مثل الليالي اللي مضت
الهم عازف
والدمع نازف
والعمر في غيبتك حاير وخايف

حتى جراحك
وسط قلبي مثل ماهي

في شفاهي باقي نفس الكلام
اللي بقى آخر لقا
مثل منت يا حبيب الروح شايف
كل شي مثل اللي كان

حالي طيب حالي طيب
يسعد صباحك
يا حبيبي

هذا إنت
كل ما ضاقت بي الدنيا تغيب
وكل ما ضاقت بك الدنيا تجيني

هذا إنت
إن كساك الهم
صرت أوفى حبيب
وإن نساك الهم
تتباهى بأنيني

مثل منت
دايم تجي ف وقتك حبيبي
بعد ما وقتك يروح
يا آخر دموعي وشجوني
وأول إحساسي جروح

ما بقالي من عذابي يا حبيبي
إلا إنت

وهذا إنت يا حبيب الروح شايف
كل شي مثل اللي كان

حالي طيب
يسعد صباحك يا حبيبي

هذا ضي الصبح
أو هو بعض نورك
هذا همس الورد
أو دافي شعورك
منهو مثلك في غرورك

جيت متأكد بسامح
راسم الطيبة ملامح
ما هو بدري
إنت تدري

ما قتلني غيابك أكثر
من حضورك

إيه كان العمر داكن
إيه كان الهم ساكن وقتي بعدك

بس أنا يا ضي عمري
كنت عودت الأماكن
تتلف بعادك وصدك

ياللي ما يرضيني ضعفك
ما أدري أنثر فوق كتفك
أغلى دمعي
أو أردك

مثل منت يا حبيب الروح شايف
كل شي مثل اللي كان

قلبي طيب قلبي طيب
يسعد صباحك
يا حبيبي