أحبك بس ما أدري أنا أكثر منك أو كثرك
عسى الله لا يبيّن لي غلاك بقلبي وقدرك
إذا شفتك تبسم لي جروحي كلها تبرى
إلا يا رب أوزعني وقدرني على شكرك

أشوف بلمعة عيونك مشاعر كيف أبوصفها
كأني تايه بصحراء ظلام وزارني فجرك
حييت البسمة في روحي كأنك معجزة عيسى
إلا يا حظها روحي معاك ويا كبر أجرك

تدلل وش تبي ومر، لك الدنيا وما فيها
لك عيوني لك أيامي أنا كلي تحت أمرك
أحبك إيه أنا أحبك وأحسك نصي الثاني
كان أرواحنا وحدة وقلبي ساكن فصدرك