ما تحرك فيني شعرة غيبتك يابو الشباب
اللي مثلك نعمة افراقه لها حمد وشكر
الحضور أحيان مو أكثر جمال من الغياب
غيب ولك مني تحايا طيب تقدير وذكر

مسألة إني أبيك تعود لي بعد الذهاب
مسألة تحتاج قلب وبرضو محتاجة فكر
ماني باتبع من يقفي لا ولا أحسب حساب
وتو ما جابته أمه من يعاملني بمكر

لا وجع في القلب بعدك لا جروح ولا عذاب
بتحلى أيامي ويصفى جوها المر العكر
حب لك مخلوق ثاني لك فتحت ألفين باب
طالبك لا تشيل همي طالبك لا تفتكر

عيش هالدنيا بدوني واكسب في بعدك ثواب
دام مالك شي عندي في وجودك ينذكر
السعادة في اللقا وأحيان واجد في الغياب
ومن يبي غير السعادة ناقص شوية فكر