ولا غلطة ترى زينك
ويا حظه من ملى عينك
فتنت الناس والدنيا
وينك عنا وينك

ملامح كنها الغيمة
وتعطي للنظر قيمة
تبسم تمطر الدنيا
وتضحك للفرح ديمة

جمالك ماهو بمألوف

ولا مثله عيوني تشوف
وإذا بحكي عن الرقة
يا خوفي ما ألاقي حروف

بعذر الورد لو يذبل
يشيل بخاطره يزعل
ونور الشمس من خدك
تجينا بالضيا أجمل

أنا أحسدها مراياتك
تشاركني بلمحاتك
عسى ربّي يثبتني
إذا قابلت ضحكاتك

تقفل بك ملف الزين
ولا في من حلاك اثنين
قمر ما بيننا يمشي
خطفت القلب ويا العين

كلامك بالحكي معسول
من الله حط فيك قبول
تسولف لي وأنا أتبسم
وأرد بهفتي شتقول

أنا أعشقها تفاصيلك
جنوني عني يحكيلك
تسيدت الغلا كله
وكل العمر أنا أهديك