الحين جيت أبسألك وش رجعك
أذكرك تستثقل ثواني جيتي
ضاقت زوايا خاطري ما توسعك
مالك مكان ولا زمان بدنيتي

قامت تفاصيلي الصغيرة توجعك
فاقد سؤالي عنك فاقد لهفتي
متشتت وودك بصدر يجمعك
راح الزمان اللي الشقى لك راحتي
الحين جيت أبسألك وش رجعك

متأخر شوي وشعورك خادعك
وتظن أرحب باللي كاسر هقوتي
ماني بلعبة تنتظر رفع أصبعك
عشان أطير إن قلت تبغى شوفتي

مهما تناديني أنا ما أسمعك
محبتك فصل وخلص من قصتي
بكمل سنيني بدونك أو معك
نهايتك ما تعتبر نهايتي
الحين جيت أبسألك وش رجعك