متى ما جيت تلقاني على حطة يديك هناك
ورا باب الوله واقف متى ما جيت تلقاني

على كثر الكلام اللي بقوله في وعد لقياك
على كثر ارتباكي منك أنا وين الله أدعاني

وش اللي جابني لدربك وكيف الوقت ما عداك
صراحة ما هقيت إن الصدف تنصاك بالعاني

مقادير السما قادت خطاويي على شرواك
ولا قالت ترى شرواه لا قاصي ولا داني

أشوفك مثل غيمة والظما ماله دوا إلا ماك
عسى الله يأمرك وتطيح في قاعي وودياني

مثل ما قلت لك عجل ولا تقصر علي خطاك
مثل ما أقول لك دايم متى ما جيت تلقاني