وش هو يعني تعتذر لي والكذب عرشه صفاتك
احتري فراقي الحقيقي احتري اللي جنيته
قافل أبواب التمني ما تحققها بمماتك
لو تموت مليون مرة دربك هذا ما مشيته

حالف أكسر ضلوعي كأنها ضلوعي حياتك
وأجبر الكسر بيديني عقب ما حبك نهيته
اقضب الجمر بيدينك قلت لي وش هي مناتك
وسم الغدر بكفوفك من هو قال إني نسيته

ما عذرك أدنى حنينك كيف أنا أعذر سواتك
كل شي بعمري بعدك لو هو هم والله بغيته
معقولة ما تعرف شعوري إحشم الحرف بشفاتك
يا ثقيل الدم اسكت ما عطيت اللي خذيته

ليتها الفرقة تسابق حرقة الحزن بآهاتك
في لقى الأحباب رايح للخلاص والله ليته
وأسمع الفرحة تنادي ثالث الأعياد جاتك
اسجدي لله حمدا هالفراق ياما احتريته