وعز علينا فراق الأحبة
وزورنا الأطبا ما حد داوانا
وكنا معاهم وكانوا معانا
وإيه وداهم وإيه خلانا

واحشني اللمة وحضنك يامه
ده بعدك غمه وقلبي اتغمى
يا عشرة وجيرة
يا صحبة جميلة
حظوظنا قليلة في دنيا بخيلة

ترتيبة عجيبة لعبة
وإحنا فيها مش لعيبة
تغريبة دنيا غريبة
عايشها ولا تذنيبة

وع الجرار الأيام عدوا
وع الجرار عدوا
وعالم بيا ربّي وحده
وع الجرار عدوا
قلبي بطوله عايشها لوحده
وع الجرار عدوا
وموجة تجيبه وموجة بتاخده
وع الجرار عدوا

مدد يا سيد
بصلي وأعيد
وفرحان قلبي
حر ومش متقيد
مدد يا سيدة شموعك قايدة
ونظرة يا طاهرة
يا بدر السهرة
وفين قعدتنا
وفين قهوتنا
وعشرة طاولة وجولة في جولة

ترتيبة عجيبة لعبة
وإحنا فيها مش لعيبة
تغريبة دنيا غريبة
عايشها ولا تذنيبه

وع الجرار الأيام عدوا
وع الجرار عدوا
وعالم بيا ربّي وحده
وع الجرار عدوا
قلبي بطوله عايشها لوحده
وع الجرار عدوا
وموجة تجيبه وموجة بتاخده
وع الجرار عدوا